माई । अमेरिकामा बस्दै आएका अम्बिर पिठाकोटे मगरले माई नगरपालिका–१ सहविरेमा रहेको चन्द्रसुर्य आधारभुत विद्यालयमा अध्ययनरत जेहेन्दार विद्यार्थीहरुलाई शैक्षिक सामाग्री वितरण गरेका छन । विद्यालयमा एक कार्यक्रमको आयोजना गरी मगरले ३० हजार मुल्य बराबरको कापी, पेन्सिल, ज्यामिती लगायतका शैक्षिक सामाग्रीहरु वितरण गरेको प्रधानाध्यापक ढगेन्द्र मगरले जानकारी दिएका छन् । इलामको दक्षिणी क्षेत्रमा रहेको सहविरे भौगोलिक रुपमा विकट क्षेत्र हो । शैक्षिक रुपमा पछि परेको सो क्षेत्रमा शैक्षिक सामाग्री वितरणले विद्यार्थीहरुमा उर्जा थपिएको प्रधानाध्यापक मगरले बताए ।