इलाम । इलामको रेडहर्ष क्लब सुनसरीमा जारी सातौ भलुवा गोल्डकपको प्रि–क्वाटरफाइनलबाटै बाहिरिएको छ । गोल्डेन स्टार क्लब भलुवासंग ३–२ गोल अन्तरले पराजित भएको हो । खेलको १९ औ मिनेटमा श्रवन गच्छदारको गोलबाट अग्रता लिएको भुलुवाले ३९ औ मिनेटमा रितिक खड्काको गोलबाट अग्रता दोव्वर बनायो ।
खेलको ५० औ मिनेटमा रेडहर्षले अग्रता कम गर्ने सुनौलो मौका गुमायो । पासाङ शेर्पाको पेनाल्टी प्रहारलाई गोलरक्षक सुजित चौधरीले बिफल तुल्याएका थिए । खेलको ६९ औ मिनेटमा रेहहर्षले भुवन बस्नेतको गोलबाट अग्रता कम बनायो । ७३ औ मिनेटमा दर्शन गुरुङले खेल बराबरीमा ल्याए । ८२ औ मिनेटमा अरुण लिम्बुले निर्णायक गोल गरेपछि रेहर्षको यात्रा प्रि–क्वाटरबाटै टुङिगएको हो ।
खेलमा रेहर्षका ३ जना खेलाडीले पहेलो कार्ड पाएका थिए भने गोल्डेन स्टारका एक जनाले पहेलो कार्ड पाएका थिए । खेलको म्यान अफ दि म्याच विजेता टिमका रितिक खड्का घोषित भए । उनले नगद ५ हजार प्राप्त गरे । भोली पहिलो क्वाटरफाइनल खेलमा राजरानी फुटबल क्लब धनकुटा र विर्तामोड युनाइटेड भिडनेछन । पहिलो प्रि–क्वाटरफाइनलमा उदयपुर एघारलाई ३–१ गोल अन्तरले हराउँदै विर्तामोड क्वाटरफाइनल प्रवेश गरेको थियो ।