इलाम । इलामको सूर्योदय नगरपालिका १० वडा कार्यालय जोड्ने सडक वर्षातले गर्दा स्थानीयले सास्ति खेप्न बाध्य भएका छन् । फिक्कल गुम्बापथ सहिद चौक आरुबोटे जोगमाई सडकको एक किलोमिटर क्षेत्र सुर्योदय नगरपालिकाले ग्राभेलका लागि ठेकेदारसँग संझौता गरको थियो ।
सूर्योदय नगरपालिका नगर कार्यपालिकाको कार्यालयले २०७५ चैत्र १७ गते संझौता गरि १८ गते कार्यादेश र १९ गतेबाट काम गर्न निर्माण कम्पनीसँग संझौता गरेको थियो ।
मामाभाञ्जा निर्माण सेवा त्रियुगा नगरपालिका उदयपुरको निर्माण कम्पनीसँग निर्माणको सम्झौता भएको मिति २०७६ असार १५ गते सकिने सुचना आयोजनाको सुचना पाटीमा उल्लेख छ ।
एक किलोमिटर पक्कि नाली र सडक ग्राभेल गर्ने काम रहेको सडक चौडा गरेपछि अहिले आधा दर्जन बढी स्थानमा पुनः पहिरो वर्षातका कारण गएको छ ।
मुल्य अभिवृद्धि कर सहित ४७ लाख ४ हजार एक सय १५ दशमलव ४२ रुपैयाँमा निर्माण सम्झौता भएको सडकको अहिले ४० प्रतिशत काम सम्पन्न भएको साइड हेर्ने सव–इञ्जिनियर डिल्लि सुवेदीले बताए ।
सडक निर्माण सम्पन्न गर्नका लागि निर्माण कम्पनीलाई नगर कार्यापालिकाको बैठकले भदौँ मसान्तसम्मको म्याद थप गरेको सुवेदीले जानकारी दिएका छन् ।
आर्थिक वर्ष अनुसारको बजेट भएकाले संझौता गर्दा निर्माणको म्याद दिएपछि नगरपालिका म्याद थप्न बाध्य भएको हो ।
