इलाम । कफि बनाउने बारिष्टा तालिम इलामको बरबोटेमा शुरु भएको छ । १५ दिनसम्म संचालन हुने तालिममा ३० जना सहभागि रहेका छन् । इलाम नगरपालिका ५ को वडा कार्यालयमा शुरु भएको तालिमको पुष ४ गतेबाट शुरु भएको हो । घरेलु तथा साना उद्योग कार्यालय इलामको आयोजनामा भएको तालिम दैनिक दुई समूहमा हुँदै आएको तालिम संयोजक किरण कार्कीले जानकारी दिए । नेपालसँगै बिदेशमा रोजगारीका अवसरहरु पाइने भएकाले कफिको बारिष्टा तालिमको माग भएकाले तालिम कार्यक्रम संचालन भएको घरेलु तथा साना उद्योग कार्यालयका प्रमुख एकनाथ दाहालले बताए । तालिमको प्रशिक्षण अभिषेक तामाङ र शुसान्त रायले प्रशिक्षण दिइरहेका छन् ।
थप तस्बिरहरु :
प्रतिक्रिया
सम्बन्धित समाचार
