माङ्सेबुङ्ग ।   दक्षिणि इलामको माङ्सेबुङ गाउँपालिकाको रतुवा खोलामा झोलुङ्गे पुल निर्माण शुरु भएको छ । प्रदेश सरकारको भौतिक पूर्वाधार कार्यालय झापाबाट माङ्सुबुङ्ग ४ को सिमकेरीको रतुवा खोलामा झोलुङ्गे पुलको निर्माण शुरु भएको   हो ।

सुनगाभा विकास संस्था इलामबाट प्राविधिक सहयोग र उपभोक्ताको प्रत्यक्ष सहभागितामा एक सय २० मिटर लामो पुल निर्माण गरिएको हो । आर्थिक वर्ष २०७५÷०७६ बाट निर्माण शुरु भएको सस्पेन्सन पुलमा चालु आर्थिक वर्षमा ४० लाख बजेट विनियोजन  भइ काम भइरहेको पूर्वाधार विकास कार्यालय झापाका इञ्जिनियर सुजन दाहालले बताए।

झोलुङ्गे पुल निर्माणपछि माङ्सेबुङ्ग गाउँपालिका ४ को दुई सय परिवारलाई झापाको दमक बजार आवातजावतमा सहज हुने प्रदेश सासंद धिरेन्द्र सर्मा रमणले बताए ।