इलाम । नेत्रविक्रम चन्द विप्लव नेतृत्वको नेपाल कम्युनिस्ट पाटिका मेची व्युरो सदस्य होम खतिवडा तथा इलाम जिल्ला सचिब दिपेनलाई प्रहरीले पक्राउ गरेको छ । बिर्तामोडको सुब्बा चौकमा कोठामा बसिरहेको अबस्थामा उनीहरुलाई प्रहरीले नियन्त्रणमा लिएको हो । झापा प्रहरीका डिएसपि महेन्द्र श्रेष्ठका अनुसार दुई जनालाई गएरातीनै पक्राउ गरिएको र अदातलमा मुद्धा दायार गर्ने तयारी भइरहेको बताए ।
उनीहरुलाई हालसम्म सार्वजनिक गरिएको छैन । उनीहरुलाई गैरन्यायीक रुपमा गिरफ्तार गरि वेपत्ता बनाएको भन्दै खोजी गरिदिन मानवअधिकारकर्मीसँग आग्रह गरेका छन् । उता इलाम जिल्ला इन्चार्ज सर्व श्रेष्ठले उक्त गिरफ्तारीको बिरोध गरेका छन् ।
उनले बिना कारण जिल्ला सेक्रेटरी दिपेनलाई गिरफ्तार गरेको भन्दै आपत्ती समेत जनाएका छन । गिरफ्तार दुबै नेताहरुलाई तत्काल रिहा गर्न समेत उनले माग समेत गरेका छन् ।
