इलाम । इलामको रोङ गाउँपालिकाले पालिकाका ज्येष्ठ नागरिकहरुको लागि रेडियो बितरण गर्ने भएको छ । गाउँपालिकाको गतिबिधि रेडियो मार्फत सूचना प्रवाह गर्नको लागि रेडियो बितरण गर्न लागेको हो । गाउँपालिकाका लक्षित समुहको रुपमा रहेको ज्येष्ठ नागरिकहरुले सूचना मुलक शिक्षामुलक सामाग्रीहरु सुन्न नपाउने भएकाले रेडियो बितरण गर्न लागिएको गाउपालिका अध्यक्ष मणिकुमार स्याङबो सुवासले बताए ।
‘रोङमा रहेका ज्येष्ठ नागरिकको घरधुरी तथ्याङक संकलन सकेर करिब एक हजार एक सय घर परिवारलाई रेडियो बितरण गर्न लागिएको हो । मोबाइल र इन्टरनेटको माध्यमबाट प्रवाह हुने सूचना युवा तथा शहर बजारमा मात्र सिमित हुने तर गाउ बस्ती र मोबाइल चलाउन नजान्नेहरुको लागि रेडियो नै एक मात्रै प्रभावकारी माध्यम भएकाले रेडियो बितरण गर्न लागिएको अध्यक्ष स्याङबोले बताए ।
गाउँपालिका अध्यक्ष मणिकुमार स्याङबोले बताए । बार्षिक स्वीकृत कार्यक्रम अन्तरगत रहेर पहिलो चौमासिक भित्रैमा रेडियो बितरण गर्ने कार्यक्रम रहेको बताइएको छ ।
गाउँपालिकामा नयाँ प्रमुख प्रशासकीय अधिकृत
रोङ गाउपालिकामा नया प्रमुख प्रशासकीय अधिकृत अनिल त्रिखत्रीले हाजिर गरेका छन् । जिल्ला समन्वय समिति पाँचथरबाट सरुवा भइ प्रमुख प्रशासकीय अधिकृतको रुपमा रोङ गाउँपालिका आएका हुन् ।
सोमबार गाउँपालिकामा आयोजित एक सक्षिप्त स्वागत कार्यक्रममा नयाँ प्रमुख प्रशासकीय अधिकृत लाई गाउँपालिकाले हाजिर गराएको हो । स्वागत कार्यक्रममा गाउपालिका अध्यक्ष मणिकुमार स्याङबो, उपाध्यक्ष बिष्णुमाया खवास, वडाध्यक्षहरु ,बिभिन्न साखाका प्रमुख हरु सञ्चारकर्मी लगायतको उपस्थिति रहेको थियो ।
