औपचारिक सम्बन्ध, पद र कुर्सीमा मात्रै मानिसको मुल्याङकन नहुने इलामको रोङ गाउँपालिकामा आयोजित एक कार्यक्रमका बक्ताहरुले बताएका छन् । उनीहरुले कर्मचारी र जनप्रतिनिधिको सहकार्य र सहयोग आदान प्रदानले मात्रै योजना र बिकास कार्यान्वयन गर्न सकिने मा पनि जोड दिएका छन् ।
गाउँपालिकामा २०७४ सालको स्थानीय निर्बाचनमा निर्बाचित जनप्रतिनिधिहरुलाई बिदाई गर्न आयोजित कार्यक्रममा बोल्ने बक्ताहरुले सो कुरा बताएका हुन् । बिगतमा रोङको बिकासको काम गर्ने क्रममा भएका तिता मिठा कुरा बिर्सन आग्रह गदैै उनीहरुले भबिष्यमा थप सहयोग गर्नेमा पनि उनीहरुले जोड दिएका छन् ।
कार्यक्रममा रोङ गाउँपालिकाका प्रमुख प्रशासकीय अधिकृत दिपेन्द्र दाहाल, गाउँपालिका अध्यक्ष सम्सेर राई उपाध्यक्ष चन्द्रकला राई, वडा का अध्यक्षहरु वडा सदस्यहरु लगायतले धारणा राखेका थिए । रोङ गाउपालिकाका कर्मचारी परिवारले आयोजना गरेको बिदाई कार्यक्रमलाई सम्बोधन गर्ने क्रममा प्रमुख प्रशासकिय अधिकृत दिपेन्द्र दाहालले कानुन र ब्यवहारलाई समायोजन गरेर काम गर्न स्थानीय जनप्रतिनिधिहरुमा चुनौतीले गिजोलेको बताए ।
‘बिकासको मोडालिटीलाई जनप्रतिनिधिहरुले क्याच गर्न सकेकाले अभिभावकको रुपमा हेर्ने गरिन्छ, प्रमुख प्रशासकीय अधिकृत दाहालले भने,– ‘गाउँपालिकालाई यो अवस्था सम्म ल्याउन सहयोग गर्ने पूर्व प्रमुख प्रशासकीय अधिकृतहरु कर्मचारीहरुको भुमिका को पनि मुल्याङकन हुने छ ।
कार्यक्रमलाई सम्बोधन गर्ने क्रममा गाउँपालिकाका अध्यक्ष शम्सेर राईले मन हुँदै गर्दा पनि फेरी गाउँपालिका अध्यक्ष पदमा दोहोे¥याउन नपाएको बताए । ‘पार्टीले म भन्दा अर्कैैलाइ योग्य ठान्यो र उम्मेद्वारी नपाएपनि कुनै गुनासो छैन, अध्यक्ष राइले भने, पार्टीको निर्णय कार्यान्वयनमा लान म तयार छु ।
अध्यक्ष राईले बोल्ने क्रममा भाबुक हुदै वडा नम्बर १ का अध्यक्ष बुद्धिबहादुर ढकाल, वडा नम्बर ५ का वडा सदस्य बिना कुमारी राई र उपाध्यक्ष चन्द्रकला राईले बिभिन्न कोण बाट गरेको सहयोगको प्रशंसा पनि गरेका थिए । पाँच बर्षे कार्यकाल पुरा गरेका सबै जनप्रतिधिहरुलाई सम्मान पत्र सहित मायाको चिनो प्रदान गरिएको थियो ।
गाउँपालिका का प्रमुख प्रशासकीय अधिकृत दिपेन्द्र दहालले दोसल्ला सहित मायाको चिनोले सम्मान गरेका थिए । कार्यक्रम नेत्र प्रसाद पोखरेलको सञ्चालन तथा प्रमुख प्रशाकीय अधिकृत दिपेन्द्र दाहालको सभापतित्वमा सम्पन्न भएको हो ।
