इलाम । नयाँ भेरियन्ट सहितको कोरोना भाइरसको संक्रमणबाट इलाममा आज एकैदिन तीनजनको मृत्यु भएको छ । इलाम नगरपालिका, सूर्योदय नगरपालिका र चुलाचुली गाउँपालिकामा १÷१ जनाको मृत्यु भएको स्वास्थ्य कार्यालय इलामले जनाएको छ । मृतक तीनै जना पुरुष रहेका छन ।
कार्यालयका अनुसार इलाम नगरपालिका ७ का ५९ बर्षिय पुरुषको आज बिहान मृत्यु भएको हो । यस्तै सूर्योदय नगरपालिकावडा नम्बर २ का ३९ बर्षिय र चुलाचुली गाउँपालिका वडा नम्बर २ का ८६ बर्षका १÷१ जना पुरुषको कोरोना संक्रमणबाट मृत्यु भएको छ । यो सँगै इलाममा कारोनाबाट मृत्यु हुनेको संख्या १० पुगेको छ ।
मृत्यु हुनेमा इलाम नगरपालिकाका ४ जना, चुलाचुली गाउँपालिकाका ३ जना, माइजोगमाई गाउँपालिका, देउमाई नगरपालिका र सूर्योदय नगरपालिकामा एक÷एक जनाको रहेका छन् । यता आज जिल्लामा २८ जनामा कोरोना संक्रमण पुष्टि भएको छ । त्यसमा सबैभन्दा बढी सूर्योदय नगरपालिकामा १६ जना संक्रमित फेला परेका छन ।
स्वास्थ्य कार्यालय इलामका अनुसार इलाम नगरपालिकामा ५ जना, माई नगरपालिकामा २ जना, चुलाचुली गाउँपालिकामा ५ जनामा संक्रमण पुष्टि भएको हो । यो संगै जिल्लामा संक्रमितको संख्या २ सय ४४ पुगेको छ । ।
