माई । संविधानसभा सदस्य शकुन्तला लेप्चा नेकपा एकिकृत समाजवादी छाड्दै पुरानै पार्टी नेकपा एमाले फर्किएकी छन् । २०६४ सालको संविधानसभा सदस्य लेप्चाले पार्टी विभाजन हुँदा नेकपा एकिकृत समाजवादी रोजेकी थिइन् ।
नेकपा (एकीकृत समाजवादी) समर्थित आदिवासी जनजाति महासंघ (समाजवादी)को उपाध्यक्ष रहेकी लेप्चा माई नगरपालिकामा आयोजित नेकपा एमालेको चुनावी सभाबाट पुनः एमालेमा फर्किएकी हुन् ।
उनलाई अबिर र माला लगाएर एमाले उपाध्यक्ष एवम पुर्व सभामुख सुवासचन्द्र नेम्बाङले स्वागत गरेका हुन् । इलाममा मात्र बसोबास गर्ने लेप्चा समुदायको प्रतिनिधित्व गर्दै उनले नेपालको संविधान निर्माणमा भुमिका खेलेकी थिइन् ।
नेकपा विभाजनपछि उनी झलनाथ खनाललाई साथ दिँदै नेकपा एस रोजेकी थिइन् । स्थानीय निर्वाचनको संघारमा उनको पुरानो पार्टी प्रवेशलाई अर्थपुर्ण रुपमा हेरिएको छ । लेप्चा २०५६ सालदेखि एमालेको राजनितिमा सक्रिय थिइन् ।
