इलाम । युनियन लाइफ इन्स्योरेन्स इलामले मृत्यु दावी भुक्तानी बापत ३ लाख ११ हजार रुपैया प्रदान गरेको छ । इलाम नगरपालिका–१० गोदकका दिलबहादुर राईको मृत्यु दावी भुक्तानी बापत युनियनले ३ लाख ११ हजार ७ सय रुपैया प्रदान गरेको हो ।

कम्पनीका प्रदेश उपप्रमुख नविन मिश्रको प्रमुख आतिथ्यतामा र वडाध्यक्ष रोम लुङ्गेलीको विशेष आतिथ्यता मृतक परिवारलाई रकम हस्तान्तरण गरेको शाखा प्रमुख प्रवेश पराजुलीले जानकारी दिए । ३ लाख रुपैयाको विमा गरेको १ बर्ष नवित्दै मृत्यु भएका राईले पहिलो किस्ताको रकम मात्र बुझाएका थिए ।