इलाम । इलाम नगरपालिका वडा नं–१ पुवाखोलाको पिपुल्स हाइड्रो पावर नजिक बेवारिसे अबस्थामा रहेको भेटिएको महिलाको शवको पहिचान खुलेको छ । इलाम नगरपालिका–८ तिल्केनी बस्ने उजुर बहादुर तामाङको श्रीमती ४० वर्षिय डम्मरी तामाङको शव रहेको मृतकको आफन्तले पहिचान गरेको प्रहरीले जनाएको छ ।

आज तामाङको शाव सदगतको लागी आफ्नै छोरीले लिएर गएको प्रहरीले जनाएको छ । मृतक तामाङको मानसिक सन्तुलन ठिक नभएको जनाइएको छ । बुधबार प्रहरीले वेवारिसे अवस्थामा फेला पारेको शव इलाम अस्पतालको शवगृहमा राखिएको थियो । शव सडेको अवस्थामा रहेकोले पहिचान नखुलेको भन्दै जिल्ला प्रहरी कार्यालयले पहिचान भएमा सम्पर्क गर्न सर्व साधारणलाई अनुरोध गरेको थियो ।