चुलाचुली । नेपाल कम्युनिष्ट पार्टी चुलाचुली गाउँ कमिटीको आयोजनामा शुभकामना आदानप्रदान तथा चियापान कार्यक्रम सम्पन्न गरेको छ । नेकपा चुलाचुलीका अध्यक्ष तुला लावतीको अध्यक्षतामा भएको कार्यक्रममा नेकपाका केन्द्रिय सदस्य तथा प्रदेश सांसद धिरेन्द्र शर्मा रमणको प्रमुख आतिथ्यता सम्पन्न भएको हो ।
नेकपा इलामका अध्यक्ष तथा प्रदेश सांसद रामबहादूर राना मगरको पनि उपस्थिति रहेको थियो । गाउँपालिकाको सभाहलमा सम्पन्न कार्यक्रममा नेकपा प्रदेश कमिटी सदस्य कान्छा लावती लगायतस्तरिय नेताहरुः न्युसन राई, विन्दु लाम्गादे, गाउँपालिका अध्यक्ष प्रदिपचन्द्र राई र नेपाली कांग्रेसको तर्फबाट सुवास आङ्थुपोको आथित्यता रहेको थियो ।
कार्यक्रममा बडादशैँ, शुभ–दिपावली तथा छठ पर्वको अवसरमा एकआपसमा शुभकामना आदानप्रदान गरिएको थियो । नेकपा चुलाचुली सचिव दिलु लावतीले संञ्चालन गर्नुभएको कार्यक्रममा नेकपा चुलाचुली कार्यलय सदस्य संञ्जय राईले स्वागत मन्त्व्य राख्नुभएको थियो ।