इलाम । माई नगरपालिकामा एक कार्यक्रमका बिच ८९ जना अपाङ्गता भएका व्यक्तिहरुलार्इ सहायक सामाग्री बितरण गरिएको छ । हेरचाहका लागि उत्प्रेरणा कार्यक्रम अन्र्तगत माई नगरपालिकाको आयोजनामा सहायक सामाग्री बितरण गरिएको हो । नगर स्तरीय अपाङ्गता समन्वय समितिको सहकार्य र करुणा फाउण्डेसनको साझेदारीमा कार्यक्रम सम्पन्न भएको हाे । अपाड्डता भएका माई नगर भित्रका ७ जनालाई व्हील चेयर, ५ जनालाई बैशाखी, ३९ जनालाई श्रवण यन्त्र, ५ जनालाई टवाइलेट चियर, २ जनालाई वाकर, ७ जनालाई सेतो छडी, १७ जनालाई हिड्ने छडी र ७ जनालाई बिशेष जुत्ता बितरण गरिएको नगर स्तरीय अपाङ्गता समन्वय समितिको संयोजक तथा  उपमेयर बिष्णुमाया रिमाल आचार्यले जानकारी दिइन् ।
कार्यक्रममा माई नगरपालिका प्रमुख दिपककुमार थेबेले फरक क्षमता भएकाहरुलाई हेरचाह र अवसर दिएमा सबै क्षेत्रमा समान सहभागिता गराउन सकिने बताए । माई नगरपालिकाले अवका दिनमा अपाङ्गता भएका व्यक्तिका लागि अन्य सिप, आयआर्जन, सहयोगी सामाग्री बितरण लगायतका कार्यमा सहयोग गर्ने थेवेको धारणा छ । मेयर थेबेले सकरात्मक सोचका साथ अपाङ्गताकाे क्षेत्रमा काम गर्ने सबैले ठुला ठुला पुराण लगाएको भन्दा बढी पुण्य कमाउन सक्ने बताएका थिए ।