फिक्कल । सुर्योदय नगरपालिका ५ मेचीखोला नजिकैबाट ३ बटा भरुवा बन्दुक बरामद गरिएको छ । स्थानिय हर्कबहादुर देवानको घरमा लुकाइ राखिएको बन्दुक इलाका प्रहरी कार्यालयले बरामद गरेको हो । बन्दुकसंगै १ जनालाई पक्राउ गरिएको छ । अनुसन्धान जारी रहेकाले पक्राउ पर्ने व्यक्तीको नाम खुलाइएको छैन । गृह मन्त्रालयको अवैध हतियार संकलन गर्ने १ महिने अभियान अन्र्तगत बन्दुक बरामद गरिएको प्रहरी निरिक्षक हेमराज ओलीले बताए । उनले अवैध रुपमा कसैले हतियार राखेको भएमा प्रहरी कार्यालयमा आएर बुझाउन आग्रह गरे । पछिल्लो समय इलाममा नेत्र विक्रम चन्द निकट नेकपाको गतिविधी बढेसंगै प्रहरीले निगरानी समेत बढाएको छ ।