इलाम,। देउमाइ नगरपालिका–६ फुटुकमा आगलागी हुँदा ३९ लाख बढीको क्षति भएको छ । स्थानिय डेविड साउदेनको घरमा विद्युत सर्ट भइ आगलागी हुँदा अन्दाजी ३९ लाख ६० हजार बरावरको क्षति भएको प्रहरी जनाएको छ । घरमा कोही नभएको अवस्थामा ११: १५ बजेको समयमा भएको आगालागीबाट साउदेनको टिनको छानो भएको २ तले घर र पसल जल्नु साथ सोही घरमा डेरा गरी बस्ने देवी नेपालको पसल समेत पुर्ण रुपमा क्षति भएको जिल्ला प्रहरी कार्यालय इलामले जनाएको छ ।

आगालागीबाट साउदेनको अन्दाजी ३० लाख र नेपालको ९ लाख ६० हजार बढी क्षति भएको प्रहरीको प्रारम्भिक अनुमान छ । आगालागी अपराहन्न १२ : १५ बजे स्थानिय र प्रहरीको सहायताबाट नियन्त्रणमा आएको इलामका प्रहरी प्रमुख एसपी विपिन कर्मचार्यले जानकारी दिए । आगलागी भएको स्थान इलाका प्रहरी कार्यालय मंगलबारेबाट १५ किलोमिटर पुर्व दक्षिणमा रहेको छ ।