इलाम । इलामका उच्च पहाडी क्षेत्रमा जडिबुटी विकास कार्याक्रम संचालन गरिएपछि किसानले व्यवसायीक रुपमा जडिबुटी खेती शुरु गरेका छन् । लोपउन्मुख जडिबुटीको संरक्षणसँगै व्यवसायीक रुपमा खेती गर्न जिल्ला वन कार्यालयले जडिबुटी विकास कार्यक्रम शुरु गरेपछि किसानले खाध्यबाली छोडेर जडिबुटीको खेती शुरु गरेका हुन् ।
राष्ट्रिय तथा अन्तराष्ट्रिय बजारमा जडिबुटीको उच्च माग रहेको लौठसल्ला र चिराइतोको व्यवसायीक खेती विस्तारका लागि जडिबुटी कार्यक्रम संचालन हुँदै आएको छ । परम्परागत रुपमा खेती गर्दै हुँदै आएको इलामको माईजोगमाई र सन्दकपुर गाउँपालिकामा जडिबुटी खेती गर्न आर्थिक तथा प्राविधिक सहयोग भएपछि किसानहरु उत्साहित भएका छन् ।
किसान खाध्यबाली नहुने, सिँचाई सुविधा नपुगेको जमिनको उपयोग गरि उत्पादकत्व अभिवृद्धि गर्दै स्थानीय स्तरमा आयआर्जनका अवसर सृजना गर्न जडिबुटी खेतीको विस्तार गरिएको हो । खेती विस्तार गरिएको चिराइतोबाट सयौँ औषधि बनाउन प्रयोग गरिन्छ भने लौठसल्ला प्राणघातक क्यान्सर रोगको उपचारको औषधि हो ।
आन्तरिक र बाह्य बजारमा उच्च माग रहेको चिराइतो र लौठसल्लाको व्यवसायीक खेती विकास, अनुसन्धान, तालिम, प्रचारप्रसार र चेतनाअभिवृद्धिको काम गरिएको हो । जडिबुटीहरुको उत्पादन, प्रशोधन र वजार व्यवस्थापनसँगै अनुसंन्धानका लागि काम गरि इलामका जिल्ला वन अधिकृत भरतबाबु श्रेष्ठले बताउनुभयो ।
आर्थिक अवस्था कमजोर भएका किसान, सामुदायीक वन, उद्यमी र सहकारी संस्थाहरु लक्षित गरि चिराइतो र लौठसल्ला कष्टर विभाजन गरि व्यवसायीक जडिबुटी खेती गरिएको छ । कृषक, कृषक समूह, उद्यमी, सहकारी संस्था, सामुदायीक वन उपभोक्ता समुह सहकारी संस्थाको प्रस्तावका आधारमा जिल्ला वन कार्यालयले खेती विस्तारका लागि अनुदान दिएको थियो ।
