इलाम । गत असोज १८ गतेको बाढी पहिरोबाट पिडित बनेका देउमाई नगरपालिका–४, ५, ७ र ९ का अति विपन्न परिवार तथा बाढी–पहिरो पीडितलाई आदिवासी जनेजी समूह देउमाई नगरपालिका इलामले राहत वितरण गरेको छ ।

परिवर्तनका लागि आवाजसँगको सहकार्यमा समूहले रु. ७० हजार ८ सय ४० बराबरको राहत सामग्री वितरण गरेको हो । असोज १८ गतेको अविरल वर्षाका कारण गएको पहिरोले धेरै परिवार बिस्थापित भएपछि पीडितहरूका लागि अस्थायी आवास निर्माणमा सहयोग पुगोस् भन्ने उद्देश्यले राहत वितरण गरेको जनाइएको छ ।

समूहका प्रतिनिधि भीमसेन लिम्बूका अनुसार, राहतमा जस्तापाता र खाद्य सामग्रीहरू समावेश छन् ।