इलाम । इलामको माईजोगमाई गाउँपालिका–१ मा खोल्सामा एक व्यक्ति मृत फेला परेका छन् । शनिबार दिउँसो २ बजे बुद्धशान्ति गाउँपालिका( ४ बर्ने हाँपेन चोक बस्ने ३४ वर्षीय उदय मगर इलाम माईजोगमाई–१ स्थित खोल्सामा मृत फेला परेका हुन् । मगर आफ्ना भेना माइजोगमाई –१ लप्सीबोटेस्थित डिल्लीराम घलेको घरमा बस्दै आएका थिए ।

मगर गत साउन ३० गते बिहान १० आफूखुसी कसैलाई जानकारी नगराई घरबाट निस्केर हिँडेकोमा घर फर्की नआएपछि भदौ २ गते उनका भेनाले इलाका प्रहरी कार्यालय नयाँबजारमा हुलिया निवेदन दिएका थिए । उनी बस्दै आएको घरभन्दा अन्दाजी ३ किलोमिटर पश्चिम खोल्सामा मृत अवस्था फेला परेको प्रहरीले जनाएको छ ।