फिक्कल । इलाममा आगामी भदौ २५ गतेबाट अन्तर विद्यालय स्तरिय पुरुष क्रिकेट प्रतियोगिताको उद्धघाटन खेलमा प्रज्ञा सदन इलाम र फिक्कल मावि भिड्ने भएका छन् । जिल्ला क्रिकेट संघ इलामले ठुलो टुडिखेलमा प्रतियोगिता संचालन गर्न लागेको हो । आयोजकले आज ड्र सार्वजनिक गरेको छ । प्रतियोगितामा जिल्लाका २ सरकारी सहित ७ विद्यालयको सहभागिता रहनेछ ।
सहभागिता विद्यालयहरुलाई २ समुहमा विभाजन गरिएको छ । ग्रुप ए मा जुविलेन्ट इलाइट एकाडेमी, समता शिक्षा निकेतन, गोल्डेन फ्युचर बोर्डिङ स्कुल र आदर्श मावि रहेका छन् । समुह बी मा बिबि मेमोरियल सेकेन्डरी स्कुल नेपालटार, प्रज्ञा सदन इलाम र फिक्कल मावि रहेका छन् ।
प्रतियोगिताको बिजेता र उपविजेतालाई मेडल, ट्रफि र प्रमाणपत्र प्रदान गरिने जिल्ला क्रिकेट संघका सचिव महेश राईले जानकारी दिए । उनका अनुसार प्रतियोगितामा कक्षा १० सम्म अध्ययनरत विद्यार्थीहरुले मात्र सहभागिता जनाउन पाउनेछन् ।
