सन्दकपुर । सरकारले इलाम जिल्लामा सबै घरधुरीमा विद्युतको उज्यालो पुर्याउने योजनाको काम अहिले धमाधम भइरहेको छ । पूर्ण विद्युतिकरण गर्नका लागि इलामका सबै स्थानीय तहमा अहिले काम तिब्र गतिमा भइरहेको हो । पूर्ण विद्युतिकरण आयोजना मार्फत इलामको सन्दकपुर गाउँपालिकामा विद्युत विस्तारको काम अहिले धमाधम भइरहेको हो ।
विद्युत विस्तार हुन बाँकी गाउँ र टोलमा अहिले विद्युत विस्तारको काम धमाधम भइरहेको सन्दकपुर गाउँपालिका अध्यक्ष तुलाराम गुरुङ्गले बताए । विद्युत विस्तारको काम अहिले सन्दकपुरका ५ वटै वडामा हुँदै आएको हो । पूर्ण विद्युतिकरणको काममा समन्वयको काम नेपाल विद्युत प्राधिकरणले गर्दै आएको छ । विद्युतको उज्यालो घरमा हुने भएपछि सन्दकपुरबासी खुशि भएका छन् । स्थानीयबासीले श्रमदान पनि गर्दै आएका छन् ।
प्रतिक्रिया
सम्बन्धित समाचार
