इलाम । इलामको माई नगरपालिका–२ डिपुडाँडामा आइतबारराति छोराले खुकुरी प्रहार गरी सौतेनी आमाको विभत्स हत्या गरेका छन । घरायसी विवाद हुँदा २१ बर्षीय छोरा सन्देश दियालीले खुकुरी प्रहार गरी ३१ बर्षीया सौतेनी आमा नेत्रमाया खवास दियालीको हत्या गरेको हुन् ।
घरायसी लेनदेनका विषयमा कुरा नमिल्दा विवाद भई हत्या भएको हुन सक्ने छिमेकीहरुले बताएका छन्। हत्या गर्ने छोरा सन्देश र सौतेनी आमा नेत्रकला घरमा बस्दै आएका थिए । नेत्रकलाका श्रीमान भने बैदेशिक रोजगारीमा रहेका छन ।
हत्या गर्ने सन्देशलाई मध्यरात नै प्रहरीले नियन्त्रणमा लिएको लोदिया प्रहरी चौकी दानावारीका प्रमुख प्रहरी बरिष्ठ नायव निरीक्षक कैलाशकुमार केसीले जानकारी दिए । हत्याको विषयमा थप अनुसन्धान भईरहेको प्रहरीले जनाएको छ । माई–२ रातेखाडीका २५ बर्षिय रमेश योगी आफ्नै कोठामा आइतवार मृत अवस्थामा फेला परेका छन ।
नजिकै बिधुतको बोर्ड समेत भत्किएको अवस्थामा उनी ओछयानमा घोप्टो परेको अवस्थामा मृत भेटिएका हुन । करेन्ट लागेर उनको ज्यान गएको हुन सक्ने बताइएको छ । गाडी चालक रहेका योगी शनिवार राति आएर कोठामा सुतेका थिए ।
श्रीमती माईत गएको र घरमा उनी र आफन्त एक ९ बर्षिय वालक मात्र रहेको अबस्थामा आईतवार योगी मृत भेटिएको प्रहरीले जनाएको छ ।
