सन्दकपुर । ७ वर्ष अघिबाट मुल्यमा गिरावट आएको बहुमुल्य जडिबुटी चिराइतोको मुल्यवृद्धि भएपछि इलामका किसान उत्साहित भएका छन् । इलामको उत्तरी क्षेत्र सन्दकपुर र माईजोगमाई गाउँपालिकामा चिराइतोको व्यवसायीक खेती हुँदै आएको छ । मूल्यमा गिरावट भएको चिराइतोको मुल्यमा अहिले दुईगुणा वृद्धि आएको चिराइतो संकलन युवराज पौडेलले बताए ।
२०७० सालबाट प्रतिमन चार हजारमा झरेको चिराइतोको मुल्य वृद्धि भएर अहिले १४ हजार पुगेको हो । मुल्यमा आएको गिरावटले निरास भएका किसान मुल्यवृद्धिसँगै खुशि भएका छन् । बहुमूल्य जडिबुटीको रूपमा रहेको चिराइतोको मूल्यवृद्धिसँगै गाउँगाउँमा खरिद बिक्रि पनि बढेको छ । इलामको उत्तरी क्षेत्र सन्दकपुर र माईजोगमाई गाउँपालिकामा चिराइतोको व्यवसायीक खेती हुँदै आएको छ । चिराइतोको मुल्य बढेपछि किसानको आर्थिक अवस्थामा सुधार आउने चिराइतो संकलक राजबहादूर राइले बताए ।
बजारमा चिराइतोको माग बढेपछि किसानले खाध्यबाली छोडेर व्यवसायीक रुपमा चिराइतो खेती गर्दै आएका थिए । पोथि चिराइतोमा भाले चिराइतो मिसाएपछि मुल्यमा गिरावट आएको थियो । चिराइतो २०७० साल अघि प्रतिमन ३० हजार रुपियाँँमा किनबेच हुँदै आएको थियो ।
चिराइतोको गुणस्तर कायम गर्न संकलन गर्ने व्यपारीहरुसँगै किसानहरुलाई तालिम प्रदान गरिने सन्दकपुर गाउँपालिका अध्यक्ष उदय राईले बताए ।
इलाममा ५ हजार बढी किसानले चिराइतो खेती गर्दै आएका छन् । लेकाली क्षेत्रमा उत्पादन हुने चिराइतो झापाको काकरभिट्टा नाकाबाट भारत निकासी हुदै आएको छ ।
