फिक्कल । नेपाल–भारत सिमाको क्षेत्र मानेभञ्ज्याङमा जारी पाँचौ मानेभञ्ज्याङ गोल्डकप प्रतियोगितामा फिक्कल फुटबल क्लब क्वाटरफाइनलबाट बाहिरिएको छ । हिजो सम्पन्न क्वाटरफाइनलमा फोटिन जिटिसी सिमलले फिक्कललाई टाइव्रकेरमा ४–२ गोल अन्तरले पराजित गरेको हो ।
निर्धारित समयमा दुवै टिमबाट १–१ गोल भएको थियो । प्रदिप विष्टले खेलको ३० औ मिनेटमा फिक्कललाई अग्रता दिलाएका थिए । प्रभारक तामाङले खेल बराबरीमा ल्याएपछि टाइव्रेकरबाट निर्णय गरिएको हो । फिक्कलका प्रदिप विष्ट र सुरज राउतले गोल गरेका थिए । यता सिमलका राजकुमार गुरुङ, प्रभाकर तामाङ, डाकमान राई र आशिक गुरुङले जाली चुमाए ।