अन्तु । इलामको सूर्योदय नगरपालिका ५ श्रीअन्तुस्थित गोरखमा दोस्रो गोरख च्यालेन्ज कप फुटबल प्रतियोगिता हुने भएको छ । कात्तिक २६ गतेबाट प्रतियोगिताको आयोजना हुनेछ ।  आयोजनाका लागि कात्तिक २० गतेबाटनै प्रतियोगितामा सहभागि हुने क्लबहरुको दर्ता शुरु भएको छ । प्रतियोगिताको प्रथम पुरस्कार ८० हजार छ भने दोस्रो पुरस्कार ५० हजार रहेको हो । श्री गोरख युनाइटेड फुटबल क्लबको आयोजनामा प्रतियोगिता हुने लागेको हो । मंसिर १३ गतेसम्म आयोजना हुने प्रतियोगितामा २४ वटा टिम सहभागि हुने आयोजक समितिका निरोज निरोज बम्जनले बताए । प्रतियोगितामा नेपाल र भारतका टिमहरु सहभागि हुनेछन् । सामसुङ मेमोरियल खेल मैदानमा हुने प्रतियोगिता सम्पन्न गर्न ३ लाख बढी खर्च हुने अनुमान गरिएको छ ।