राँके । प्रथम देउमाई कप फुटबलको दाेश्राे पुरस्कार क्यान्सर पिडित पूर्व खेलाडी एवम फाल्गुनन्द गाउँपालिका-३ का वडाध्यक्ष सुकविर नेम्वाङलाई सहयाेग गरिने भएकाे छ । प्रतियाेगिताकाे फाइनलमा आयाेजक देउमाई फुटबल क्लबकाे दुवै टिम पुगेपछि दाेश्राे पुरस्कार रकम ३३ हजार ३ सय ३३ रूपैया सहयाेग गरिने भएकाे हाे ।
क्लबका अध्यक्ष सुनिल राईले क्लबकाे सामाजिम उतरदायित्व अन्तर्गत दाेश्राे पुरस्कार वापतकाे रकम सहयाेग गरिने जानकारी दिए । पुरूष तर्फ आयाेजक ए र बी तथा महिला फुटबलमा सुकेपाेखरी एफसी र युनाइटेड देउमाई भिड्दैछन् ।
प्रतियोगिताकाे विजेताले ५५ हजार ५ सय ५५ र उपविजेताले ३३ हजार ३ सय ३३ पाउनेछ । देउमाई फुटबल क्लबकाे आयाेजनामा मंसिर १२ गतेबाट संचालन भएकाे प्रतियोगितामा पुरूष तर्फ २४ टिमकाे सहभागीता थियाे ।
१६ गतेबाट संचालन भएकाे महिला फुटबलमा ८ टिम सहभागी छन् ।
महिला तर्फ विजेताले २५ हजार ५ सय ५५ र उपविजेताले १२ हजार २ सय २२ पाउनेछ ।
