नयाँबजार : दोश्रो संस्करणको माईजोगमाई गाउँपालिका अध्यक्ष कप अन्तरपालिका आमन्त्रित पुरुष फुटबल प्रतियोगिताको उपाधिको लागि इलाम नगरपालिका र सूर्योदय नगरपालिका भिड्ने भएका छन् । माईजोगमाई गाउँपालिका– नयाँबजार स्थित बालागुरु खेलमैदानमा जारी प्रतियोगिताको सेमिफाइनलमा डिफेन्डिङ च्याम्पियन इलामले माईजोगमाई गाउँपालिका र सूर्योदयले देउमाई नगरपालिकालाई हराएका हुन् ।
माईजोगमाई गाउँपालिका खेलकुद विकास परिषदको आयोजनामा बैशाख २५ गतेबाट जारी प्रतियोगितामा इलामका १० पालिकाको सहभागिता रहेको थियो । प्रतियोगिताको बिजेताले २ लाख ११ हजार १ सय ११ र उपविजेताले १ लाख २१ हजार १ सय ११ रुपैया प्राप्त गर्नेछ ।
फाइनलसम्म पुग्न इलामले सन्दकपुर गाउँपालिका, माङसेबुङ गाउँपालिका र माईजोगमाई गाउँपालिकालाई हराएको थियो । सूर्योदयले फाकफोकथुम गाउँपालिका, माई नगरपालिका र देउमाई नगरपालिकालाई हराउको थियो । परिषदले गत बर्षबाट पालिका स्तरिय प्रतियोगिता संचालन गरेको हो ।
पहिलो संस्करणमा फाकफोकथुम गाउँपालिकालाई टाइब्रेकरमा हराउँदै इलाम नगरपालिकाले उपाधि जितेको थियो ।
