सन्दकपुर । इलामको सन्दकपुर गाउँपालिका–५ जमुनामा जारी कागे फुटबल प्रतियोगितामा सन्दकपुर एफसी र टारी एफसी बिजयी भएका छन् । आज सम्पन्न पहिलो खेलमा सन्दकपुरले युथ युनाइटेड गोदकलाई ३–२ गोल अन्तरले हराउँदै बिजयी भएको हो ।
त्यसैगरी टारीले जमुना एफसीलाई ३–१ गोल अन्तरले हराएको हो । पहिला खेलमा सन्दकपुरको जितमा सन्तोष मगरले २ र निशान गुरुङले १ गोल गरे । गोदकबाट मिक्सन दासले २ गोल गरे । दोश्रो खेलमा टारीबाट रोजन घलेले २ र प्रदिप राईले १ गोल गरे । जमुनाका युवराज गुरुङले १ गोल फर्काए ।
प्रतियोगिता अन्र्तगत आइतबार साहारा एफसी र छिन्तापु एफसी तथा माइमझुवा एफसी र माईजोगमाई गाउँपालिका भिड्नेछन् ।
प्रतिक्रिया
सम्बन्धित समाचार
