माई : प्रथम माई गोल्डकप फुटबल प्रतियोगितामा शनिश्चरे एफसी र खुदुनाबारी एफसी बिजयी भएका छन् । प्रतियोगिता अन्र्तगत सोमबार भएको अन्तिम प्रि–क्वाटरफाइनल खेलमा शनिश्चरेले कलकत्ते एफसी माथि ३–२ गोल अन्तरको जित दर्ता गरेको छ । शनिश्चरेको जितमा सञ्जय भण्डारीले २ गोल र राजिव ढुङ्गानाले १ गोल गरे ।
कलकत्तेका सेसेहाङ लिम्बु र पुष्प लिम्बुले १/१ गोल गरे । म्यान अफ दि म्याच बिजेता टिमका भण्डारी घोषित भए । त्यसैगरी आज नै भएको पहिलो क्वाटरफाइनल खेलमा खुदुनाबारी एफसीले चुलाचुली एफसी माथि ३–१ गोल अन्तरको जित दर्ता गरेको छ । खुदुनाबारीको जितमा चेतन घतानीले २ गोल र अरविन्द चौधरीले १ गोल गरे ।
चुलाचुलीका उमेश लिम्बुले सान्तवना गोल फर्काए । म्यान अफ दि म्याच घतानी घोषित भए । प्रतियोगिताको दोश्रो क्वाटरफाइनल खेलमा चियाबारी युथ क्लब र सुखानी एफसी बिच प्रतिस्पर्धा हुनेछ ।
