रोङ । इलामको रोङ गाउँपालिकामा सोमबारबाट रोङ कप फुटबल प्रतियोगिता सुरु भएको छ । गाउँपालिका अध्यक्ष सम्सेर राईले एक कार्यक्रमका बिच खेल निर्णयकहरुलाइ जर्सी बितरण गरी सुरुवात गरेका छन् । प्रतियोगिता अन्र्तगत सोमबार भएको पहिलो दिनको खेलमा रोङ ३ लाइ १-० अन्तरले पछि पार्दै रोङ १ अघिल्लो चरणमा प्रबेश गरेको छ ।
त्यसैगरी सोमबारको अर्को दोश्रो खेल रोङ २ र रोङ ४ बिच भएकोमा २-२ गोल भइ बराबरीमा सकिएको छ । लिक कम नकाउटको आधारमा सञ्चालन हुने पुरुष टिमको प्रतियोगितामा गाउँपालिकाका ६ वटै वडा बाट १÷१ वटा टिमको सहभागिता रहेको छ । प्रतियोगिता रोङ गाउँपालिका ५ को नाखोपा स्थित उमामहेश्वर माध्यमिक बिद्यालयको खेल मैलानमा सञ्चालन भइरहेको छ ।
मंगलबार रोङ १ र रोङ ५ बिच पहिलो खेल र रोङ २ र रोङ ६ बिच दोश्रो खेल सञ्चालन हुने छ । कार्यक्रम उद्धघाटनमा बोल्दै गाउपालिका अध्यक्ष राईले खेलाडीहरुले कडा मेहनत र अनुशासनलाई विर्सन नहुने बताएका छन् । धेरै राम्रा राम्रा खेलाडीहरुपनि अनुशासनको कारण खेल जीवन नै समाप्त भएको कतिपय अवस्था रहेको उदाहरण सुनाउदै अध्यक्ष राईले गाउपालिकाले खेलकुदको बिकासको लागि पूर्वाधार संगै खेलाडीहरुको खेल बिकासको काम गरिरहेको बताए ।
त्यसैगरी प्रतियोगिताको उद्घाटन कार्यक्रमलाई सम्बोधन गर्दै जिल्ला फूटबल संघ इलामका उपाध्यक्ष मणि गुरुङले प्रतियोगिता मात्रै नभएर खेलाडीको छनौट र बिकासमा समेत सहयोग पूग्ने हुनाले खेल सभ्य र भब्य सम्पन्न हुने बताए । खेलाडीको बृध्दिबिकास र पूर्वाधारमा ध्यान दिएकोमा जिल्ला फूटबल संघ इलामका उपाध्यक्ष गुरुङले रोङ गाउपालिकालाई धन्यबाद दिए ।
कार्यक्रममा सम्बोधनगर्ने क्रममा सितोरियो करातेका अन्तराष्टिय प्रशिक्षक योगेश चाम्लिङले खेलाडी र आयोजकलाई खेल आयोजनाको लागि धन्यबाद दिदै अन्तराष्टिय स्तरका खेलाडी उत्पादन हुन सक्ने भएकाले खेलाडीहरुलाई शुभकामना दिए । उदघाटन खेलमा बिभिन्न वडाका जनप्रतिनिधिहरु, खेलप्रेमी, खेलाडी तथा स्थानीय बासीको उपस्थिति रहेको थियो । बिजय राईको सञ्चालन बिर्ख शुब्बाको स्वागत रहेको कार्यक्रम रोङ ५ का वडा अध्यक्ष युवराज खाप्तुवा राईको सभापतित्वमा भएको थियो ।
