फिक्कल । पुर्वी पहाडको सवैभन्दा ठुलो नगरपालिका सूर्योदयको आठौ नगरसभा आजबाट सुरु भएको छ । नगर कार्यपालिकाको हलमा सुरु भएको नगरसभाको पहिलो दिन २ वटा ऐनको संसोधनको लागि प्रस्तुत भएको छ । नगर प्रमुख रणबहादुर राईको अध्यक्षतमा सुरु भएको नगरसभामा आधारभुत तथा माध्यमिक शिक्षा ऐन २०७६ को दोश्रो संसोधनको लागि प्रस्ताव राखिएको छ ।

त्यसैगरी विनियोजन ऐन २०७७ को संसोधनका लागि समेत  प्रस्ताव राखिएको छ । सूर्योदयको आगामी नगरसभा कार्यक्रम माघ २० गते तय गरिएको नगर प्रमुखका स्वकिय सचिव दिपेश राईले जानकारी दिए । आगामी कार्यक्रममा आज प्रस्ततु भएको ऐनको संसोधन र अन्य संसोधन गर्नुपर्ने ऐन, नियमावली र कार्यविधिको बारेमा छलफल हुने जनाइएको छ ।