-
नयाँबजार ।माईजोगमाई गाउँपालिकाले कृषक एवम सहकारीलाई अनुदानमा कृषि सामाग्री वितरण गरेको छ । गाउँपालिकाले ७५ प्रतिशत अनुदानमा कृषक एवम सहकारीलाई सामाग्री प्रदान गरेको छ ।
गाउँपालिकाले ६ वटै वडाका एक÷एक सहकारीलाई पावर टिलर (हाते ट्रयाक्टर), ७२ थान इलेक्ट्रिक विषादी छिट्ने स्प्रे, १८० थान नर्मल स्प्रे, ३ सय थान काटा र कोदालो र ६ थान मकै छोडाउने मेसिन प्रदान गरिने भएको छ ।
गाउँपालिका अध्यक्ष जीतबहादुर राईले कृषि शाखा कार्यालयमा कार्यक्रमको आयोजना गरी सामाग्री हस्तान्तरण गरेका थिए । कृषि सामाग्रीहरु सबै आजै वितरण नगरिएको कृषि शाखा प्रमुख अनिशा राईले बताइन् ।
वितरण गर्न बाँकी रहेको सामाग्री केही दिनमा सम्बन्धीत वडामा लगेर नै हस्तान्तरण गरिने उनले बताइन् ।
कृषि सामाग्री प्राप्त गर्ने किसान र सहकारीले २५ प्रतिशत बराबरको रकम मात्र बुझाएका थिए ।
सबै वडाका किसानहरुलाई समान रुपमा सामाग्रीहरु वितरण गरिएको अध्यक्ष राईले बताए । कार्यक्रममा बोल्दै अध्यक्ष राईले गाउँपालिकाले प्रदान गरेको सामाग्रीहरुको अधिकतम उपयोग गर्दै आधुनिक कृषि गर्न सकिने बताए
प्रतिक्रिया
सम्बन्धित समाचार
