इलाम । इलामको देउमाई नगरपालिकामा रहेको गुफाथुम्कीबाट प्याराग्लाइडिङको सफल परिक्षण गरिएको छ । प्याराग्लाइडिङ गुफाथुम्कीबाट गुम्बाडाँडामा अवतरण गरिएको थियो ।
प्याराग्लाइडिङ पर्यटन प्रवद्रनको संभावनाका लागि गरिएको देउमाई नगरपालिका मेयर सुर्य प्रसाद पोखरेलले जानकारी दिए ।
प्याराग्लाइडिङ बाङचु शेर्पाले सोमबार दिउसो ११ बजे गुफाथुम्कीबाट उडाएका थिए । उनले गुफाथुम्कीबाट पानीटार अवतरण गर्ने प्रयास गरेपनि मैसमको कारणले पानीटारमा अवतरण गर्न भने सकेनन् । गुम्बाडाँडामा अवतरण गरे ।
यस अघि शेर्पाले इलाम र पाचथरका डाडाहरुमा समेत सम्भावना उडान भरेका थिए । शेर्पाका अनुसार इलामका कतिपय डाँडामा प्याराग्लाइडिङ उडान गर्न सकिने बताए ।
साथै देउमाइ नगरपालिकाको सिद्धिथुमकामा पनि प्याराग्लाइडिङको संभाव्यता अध्ययन गरिएको वडा नम्वर ४ का अध्यक्ष राजेन्द्र बास्तोलाले बताए । उनले भने, ुपर्यटन प्रवद्रनको लागि गुफाथुम्की र सिद्धिथुमकामा प्याराग्लाइडिङको संभाव्यता अध्ययन गरेका छौ । सिद्धिथुमकामा भने प्याराग्लाइडिङ गर्न बाकि छ ।
देउमाई नगरपालिकामा रहेको पानीटार चियावगान अन्यन्तै सुन्दर चियावगानको रुपमा चिनिन्छ । तर प्रचार प्रसारको कमि तथा पर्यटकको बस्ने भौतिक पूर्वधार कमिले गर्दा धेरै पर्यटक भने भित्राउन सकेको छैन ।
