करफोक । करफोकमा जारी प्रथम सुर्योदय मेयरकप फुटबल प्रतियोगितामा शुक्रबारको खेलमा आयोजक सुर्योदय नगरपालिका सेमीफाइनल प्रवेश गरेको छ । करफोक विद्या मन्दिरको खेलमैदानमा जारी प्रतियोगिताको तेश्रो क्वाटरफाइनलमा कनकाई नगरपालिकालाई ३–१ गोल अन्तरले हराउदै आयोजकले सेमीफाइनल यात्रा तय गरेको हो ।
खेलको ९ औ मिनेटमा जर्सी नं १० का सन्जोग खडकाले आयोजकलाई अग्रता दिलाएका थिए । त्यसको ३ मिनेट नवित्दै आयोजकका जर्सी नं ४ का डेनिसले हेड गर्दै बल क्लिय गर्न खोज्दा आफनो पोष्टमा आत्घाती गोल भएको थियो । पहिलो हाफ १–१ गोलको बराबरी भएको खेलको दोश्रो हाफको सुरुवातमा नै कनकाईका जर्सी नं ४ का किस्मत लिम्बुले डि–एरियाभित्र हेन्ड गरेपछि पाएको पेनाल्टीलाई आयोजकका जर्सी नं १२ का सुरज राउतले गोल गरे ।
घरेलु दर्शकमाझ दबाब झेलेको कनकाईले अतिरिक्त समयमा गोल खान पुग्यो । जर्सी नं ८ का आशिस राईको क्रसपासलाई सदुपयोग गर्दै शेखर राईले गोल गरे । खेलमा अग्रता ३–१ बनाउदै आयोजक सुर्योदय नगरपालिका सेमीफाइनल प्रवेश ग¥यो ।फाइनल प्रवेशका लागी सुर्योदयले विर्तामोड नगरपालिकाको सामना गर्नेछ ।
शनिबार हुने चौथो क्वाटरफाइनल खेलमा अर्जुनधारा नगरपालिकाले शिवसताक्षी नगरपालिकाको समाना गर्दैछ । अर्जुनधारा इलाम नगरपालिकालाई पराजित गर्दै क्वाटरफाइलन पुगेको हो भने शिवसताक्षी सोझै बाइ पाएको थियो ।
