माङ्सेबुङ । इलामको माङ्सेबुङमा जारी आठौ पवित्रहाङ्मा रनिङ महिला गोल्डकप खेलकुद प्रतियोगिताको सेमीफाइनल समिकरण पुरा भएको छ ।
शनिबार भएको पहिलो चरण अन्तिम खेलमा माउन्ट एभरेष्ट स्र्पोटिङ क्लब चतरा सुनसरीले न्यु स्टार क्लब प्याङ इलामलाई १–० गोल अन्तरले पराजित गरेसंगै सेमीफाइनल भिडने टिम पक्का भएको हो ।
खेलको ८ औ मिनेटमा सुनसरीकी शर्मिला राईले गरेको गोल नै निर्णायक बन्यो । निर्णायक गोल गरेकी राई खेलको वुमन अफ दि म्याच घोषित भइन ।
आइतबार हुनेसेमीफाइनलको पहिलो खेलमा लेटाङ फुटबल क्लब लेटाङ मोरङ र ताप्लेजुङ फुटबल संघ ताप्लेजुङबिच हुनेछ ।
मोरङले सताक्षीधाम स्र्पोटिङ क्लब झापालाई ३–० ले हराउदै सेमीफाइनल प्रवेश गरेको हो भने ताप्लेजुङ केएनके सुरुङ्गा माथी ६–० को फराकिलो जित निकाल्दै सेमीयात्रा तय गरेको हो ।
फागुन २ गते सम्पन्न हुने प्रतियोगिताको बिजेताले नगद ६२ हजार १ सय ६२ र उपविजेताले नगद ३५ हजार १ सय ६२ रुपैया प्राप्त गर्नेछ ।
