नयाँबजार । ईलामको माईजोगमाई गाउँपालिकामा जङ्गली बँदेल गाउँ पसेर खेती खाईदिन थालेपछी किसानहरु चिन्तित बनेका छन । बिगत ६ महिना अघि देखि माईजोगमाई गा।पा को सोयाङ,प्याङ,नयाँबजार,लप्सीबोटे,प्रेमेजुङ लगायतका गाँउमा बदेल पसेर लगाएको आलु,अलैची,ईस्कुस,मकै,जस्ता बालिहरु खाने र भएको बालि जोतेर नष्ट बनाईदिने भएकोले किसानहरु मारमा परेका छन ।
आठ नौँ ओटाको हुलमा आउने बँदेलले एक चोटी पस्दा धेरै बिगार गर्ने र मान्छेलाई नै आक्रमण गर्ने सम्भावना बढेर गएको स्थानियले बताए । बँदेलको बिगबिगी बढेपछि गाउँपालिकाका अध्यक्ष जित बहादुर राईको नेतृत्वमा सबै किसानहरुले हस्ताक्षर सङकलन गरी जिल्ला वन कार्यलय ईलाममा समेत ज्ञापन पत्र बुझाएको तर खासै वास्ता नगरेको गाउपालिका अध्यक्ष रार्इले बताए ।
बँदेलले हाल सम्ममा पचास लाख भन्दा बढिको क्षति गरिसकेको र स्थानियले बँदेल मारेमा कानुन लाग्ने र सरोकार वालाले ध्यान नदिएमा माईजोगमाईका किसानहरुको जनजिवनमा ठूलो असर पर्ने स्थानिय किसानहरुको गुनासो रहेको छ।
