रोङ :  युवा सशक्तीकरण समुह रोङ ३ मा सुरक्षित आप्रवासन प्रर्वधन तथा मानवबेचबिखन रोकथाम सम्बन्धि घरदैलो कार्यक्रम सम्पन्न भएको छ । सुरक्षित आप्रवसनको प्रर्वधन तथा मानव बेचबिखन रोकथामका लागि युवा समुह परिचालनको मुख्य साझेदारी AWO International संस्था रहेको छ । रोङ गाउपालिकाको सभाहलमा बिशेष छलफल गरि सुरुवात भएको कार्यक्रम लसुने – कोल्बुङ हुँदै हर्कटे बजार सम्म गरिएको थियो ।
उक्त कार्यक्रम प्रत्येक महिनाको ६ गते टोलटोलमा गर्ने निर्णय गरि कार्यक्रम समापन गरिएको थियो। कार्यक्रममा मानवअधिकार मञ्च इलामका पालिका परामर्श दाता सरस्वती खड्का तथा अन्य समुह लगायत विभिन्न संघसंस्थाका प्रतिनिधि र युवाहरूको भेला भएको समुहका अध्यक्ष तिम्सिनाले जानकारी दिए ।
युवा सशक्तीकरण समूहले यस अघिनै सबै वडामा गरिसकेको र यस्तो कार्यक्रमले गाउँघरका युवाले वैदेशिक रोजगारको सकारात्मक सन्देश समेत दिएको रोङ गाउपालिका युवा सशक्तीकरण संजालका अध्यक्ष तेज कुमार आचार्यले जानकारी दिए ।